داگیر که‌ر

 

داگیر که‌ری دڵ پر له‌قین                  دره‌ندی بێ ویژدان و دین

ناتوانی واکه‌ی کورد نه‌بین                هه‌ر کورد بوین و هه‌ر کورد ئه‌بین

له‌ پێش ئاگرپه‌رستی دا                    له‌ پێش مۆسلمانێتیدا

له‌ دیلی و له‌سه‌ر به‌ستی دا             هه‌ر کورد بوین و هه‌ر کورد ئه‌بین

نه‌ عه‌ره‌بم نه‌ ئێرانیم                        نه‌ تورکه‌کی شاخستانیم

نه‌ک من هه‌ر خۆم مێژووش ئه‌لی        که‌ کوردم و کوردستانیم

نه‌ ننگیه و نه‌ پیاوه‌تی                        جیاوازی نه‌ته‌وایوتی

بریارو مێژوو داویه‌تی                          که‌ کوردبین و هه‌ر کورد ئه‌بین

گه‌لان هه‌موو برای منن                     هه‌ر زۆر دارانم دوژمنن

داوای وڵاتی که‌س ناکه‌م                    په‌نخه‌ بۆ مافی که‌س نابم

بۆ مافی گه‌ل و خاکه‌کم                     هه‌تا ماوم خه‌بات ئه‌کم

داگیر که‌ری دڵ پر له‌قین                    دره‌نده‌ی بێ ویژدان و دین

گه‌ر قه‌ندیل و ئاگری و شیرین              یه‌کسان که‌ی له‌ رووی زه‌وی

ناتوانی واکه‌ی کورد نه‌بین                 هه‌ر کورد بوین و هه‌ر کورد ئه‌بین

    ئیبراهیم ئه‌حمه‌د